ဘ၀တစ်စိတ်တစ်ပိုင်း
၂-၂-၁၉၆၃ တွင် အဘဦးရဲကျော်+အမိဒေါ်ကျင်ခ တို့မှ မွေးဖွား
၁၁-၅-၁၉၈၄ မတင်တင်လေးနှင့် လက်ထပ်
၁၉၈၅ မှ ၁၉၈၇ ထိ မရမ်းတွဲဖက် အ.မ.ကတွင် ကျောင်းဆရာလုပ်၊
၁၉-၈-၉၄ သစ်တောဦးစီးဌာနတွင် စတင်အမှုထမ်း
၁၉၉၉-၂၀၀၁ ရေကြည်မြို့နယ်တွင် ပြောင်းရွေ့ တာဝန်ထမ်း
၂၀၀၁-ဇွန်လ လပွတ္တာမြို့တွင်ပြန်လည်ပြောင်းေ
၁၈-၆-၂၀၀၂ နံနက် (၅) နာရီကွယ်လွန် ၁၉၈၁ ပတ်ဝန်းကျင်မှ စ၍
စံပယ်ဖြူ၊ပိတောက်ပွင့်သစ်၊
ပန်းဝေသီ၊ ရုပ်ရှင်အောင်လံ၊ မြားနတ်မောင်၊ စတိုင်သစ်၊ ချယ်ရီ၊ မဟေသီ
စသည့် မဂ္ဂဇင်းများတွင်
ကဗျာရေးသားခဲ့
ကွယ်လွန်ချိန်တွင် ဇနီးမတင်တင်လေးနှင့်
သားမောင်ချမ်းဇော်ဘို၊ဟိန်းဇော်
------------------------------
အကြီးစားသစ္စာ
အချစ်ရေ
မင်းဆံထုံးမှာ
ကိုယ့်အရိုးလေး တွေ့တွေ့နေရ
လောက၀ိဉာဉ်ထောင့်တစ်နေရာ
တစ္ဆေတစ်ကောင်ဟာ
တကယ့်ကို
ကျေနပ်စွာ။ ။
.
(ရသကမ်းခြေ၏ ၂၀၀၄ ခုနှစ်ထုတ် စတုတ္ထမြောက်ကဗျာစာအုပ် “အကြီးစားသစ္စာ” မှ
ကူးယူဖေါ်ပြပါတယ်။)
----------------------------------------------------------------------------------------
မြစ်ရဲ့ဒဏ်ရာ
လရောင် ပုခုံးထမ်းတင်ကာထားတဲ့ မြစ်
သူ ထိုးမြဲထိုးဆဲ တယောပြားလေးဂီတနုတ်တွေက
မုန်တိုင်းဗဟိုနဲ့ တည့်တည့်တိုးလို့
ယုံကြည်ရာသီချင်းနဲ့ ရွဲ့စောင်းနေတဲ့ကမ်းကို ပစ်ပေါက်တယ်
ပင်လယ် ဘယ်လောက်ခက်ထန်ကြမ်းတမ်းပါစေ
“ငါတို့ တစ်နေ့ပြန်လာကြမယ်” စကားကြောင့်ပဲ
သောကတွေ ပွေ့ဖက်ထားတဲ့ အလွမ်းနဲ့ စောင့်မျှော်နေ
အားလုံးအတွက် ရေပွက်ပမာပဲ
ငါရွက်လွှင့်ထားတဲ့ မေတ္တာတရားမှာ
အကျအရှုံးက အရမ်းများနေတယ်
ဘယ်လောက် အနီရောင်တန်ဖိုးကြီးကြီး ပေးဝယ်မှ
လွပ်လပ်ခြင်း ရွှေရောင်နေ့များရောက်မလဲ
ပြောပြပါ …. ရာဇ၀င်
ငါ မြစ်လို စီးတယ်
ငါ မြစ်ကို ထမ်းတယ်
ငါ မြစ်လို ဒီရေတက်ခဲ့
ဒဏ်ရာရ မြစ်တစ်စင်းအဖြစ်
သစ္စာတရားရဲ့ အလံတော်အောက်မှာ
အနိုင်ယူအောင်ပွဲဆင်ရင်း …… ။ ။
မိုးခါး
10.6. 2013
(ကဗျာဆရာမောင်ကောက်၏ “မြစ်ရဲ့ဒဏ်ရာ” သီချင်းစာသားများအား ဖြည့်စွက်ရေးဖွဲ့ခြင်း)
---------------------------------------------------------
မောင်ကောက်
မောင်ကောက်… တဲ့
နာမည်ကအကောက်နဲ့ မင်းလျှောက်ခဲ့တဲ့လမ်း
သာယာဖြောင့်ဖြူးခဲ့ရဲ့လား
ငါတို့နဲ့အတူကဗျာတွေကိုရွတ်ဆို
တစ်ခါတစ်လေတော့ ဘီယားဘူးခွံနဲ့ ပစ်ပေါက်ပြီး
လူ့အန္ဓနဲ့ စကားပြောချင်သတဲ့
ကာရာအိုကေရုံထဲ ၀င်ပြီး
“ချစ်ဖူးတယ်… ချစ်ဖူးတယ်… အိုမလွယ်ဘူးရူးနိုင်တယ်”
အဲဒီလိုအော်ဟစ် ပေါက်ကွဲပြီးငါတို့ကိုတော့
“အကြီးစားသစ္စာ” နဲ့မိတ်ဆက်ပေးခဲ့တယ်။
ကိုယ့်စကားသံကိုကိုယ် ပြန်မကြားနိုင်လောက်အောင်
သေးကွေးကြုံလှီပြီးကဗျာတွေကိုေ
ဂါထာလိုရွတ်တဲ့သူ
တစ်ခါတစ်လေကဗျာဆန်ပြီး
တစ်ခါတစ်လေလူဆန်တဲ့လူ
အဲဒီလူငါတို့ကို
“ငေးတဲ့စာ”နဲ့မိတ်ဆက်ပေးခဲ့သေး
ဘယ်သူတွေလည်း ကျွန်တော်တို့ပါ
အနုပညာရဲ့ လက်တိုလက်တောင်းတွေပါ
“ညီမလေးရေ… ငါ့ကိုဦးလို့ မခေါ်ပါနဲ့”
တစ်ခါတစ်လေအဲဒီလို နူးညံ့သိမ်မွေ့ပြီး
တစ်ခါတစ်လေမူးယစ် အော်ဟစ်နေတဲလူ
သူ့ကဗျာတွေကကားစီးလာရတာတဲ့…
ရွေးမြစ်ပြင်ကျယ်ကြီးကို
သူ့ရင်ဘတ်လေးထဲဆွဲသွင်းပြီးတော့
မှော်ဆရာတစ်ယောက်လိုမျိုး
သူ့အနုပညာတွေကို ပြန်အန်ထုတ်ပြခဲ့သေးတယ်
“ကျွန်မဒေါင်းစိန်… ရှင် ကြယ်နီနဲ့လေ”
မောင်ကောက်ရေ…
စောင်းလျားပင်လေးအောက် ရောက်တိုင်း
မရိတ်သိမ်းနိုင်ခဲ့တာတွေကိုလွမ်
၁၈-၆-၂၀၀၂ နေ့တွင်ကွယ်လွန်သွားသောကဗျာဆရာေ
မောင်ရင်စစ်
------------------------------------------------------------------------------
ကဗျာဆရာနဲ့ ကဗျာကို အမှတ်တရဖြစ်ရစေပါတယ် ...
ReplyDeleteငြိမ်းစိုးဦး << ဟုတ်တယ်ဆရာ။ အဲဒီ အကြီးစားသစ္စာက ကျနော်တို့အတွက်တော့ တကယ့်ကို မှတ်မှတ်ရရပါပဲ။
ReplyDelete